醫生其實很妙

某次看醫生, 順便問﹕"我皮膚上不時出現紅點, 好似爆微絲血管咁, 紅點漸漸又變成墨, 是不是有病？"
醫生看一看, 說﹕"不是病。"
"愈來愈多一點點, 點算呢？"
"人大了, 皮膚會老化, 正常的, 你想一世白璧無瑕咩, 傻女。"

醫生叫甚麼名字早已忘記, 但她的金句我記了一世。你想一世白璧無瑕咩, 傻女。


最近因覺得喉嚨有異物頂住, 去請教醫生, 醫生叫我去照X光。
照完了, 醫生指著X光片說﹕"你個喉嚨同條食道好靚, 冇生癌。"
"哦。咁點解喉嚨時時覺得頂住?"
"可能係胃酸倒流。"
"你係估嘅, 定係睇得到?"
"係估嘅。"
……哦, ……估。嘅。


做醫生真好, 看不見腫瘤, 驗不出病毒, 便甚麼問題都沒有, 甚麼都不是問題, 請你注意飲食均衡作息有規律就可以了。不似我們做雜務的, 即使無癌無菌, 卻總有一籮筐變化多端X光都照不清的難題必須解決。